美國泳將費斯雖然歷年嚟喺奧運攞咗十八金兩銀兩銅，但係佢一直都唔係乖仔。27歲嘅佢噚日就係拉斯維加斯開P，慶祝佢光榮退役。試過吸大麻又鍾意豪賭嘅費斯，退役後就更加大解放，call班性感女郎嚟同佢癲番日，有女朋友嘅佢仲同美國女泳將艾莉遜舒密嚟個熊抱，又戴番個泳鏡大家開心。不過，佢條賭癮又起，喺拉斯維加斯狂賭，又好彩畀佢贏咗10萬美金喎！
