可能有人覺得蒲吧啫，使唔使北上呀？說話就唔係咁講喇，蒲吧只係山長水遠衝關嘅原因之一，另外「前菜」係食飯，「甜品」係揼骨，三料娛樂，喺香港咁玩法就貴好多。
文、攝：吧少
上周末我如常上深圳，先喺向西村打邊爐，嘆番個正宗四川麻辣火鍋。食到十點零，行幾步就去到附近嘅「Love Bar」，時間啱啱好！周末晚係夜蒲黃金檔期，再加埋呢度好多搞作，若然唔係醒目食飯嗰陣打電話搵劉總訂定枱，邊能夠大爺咁掂行掂過有張大梳化坐呀！
人都未坐定，劉總已經自動獻身托咗一打啤酒請我哋飲，仲話：「你哋嚟得真着時，我哋十周年誌慶，特別多節目，基本嘅鋼管舞當然一定有啦，家星期五同周末仲會請歌手返嚟表演。呢啲都碎料咋，最過癮係玩埋『大拍賣』，酒水、玩具、精品、電子數碼產品通通有得買，真係唔買都睇吓！而碰啱特別日子更加會搞吓主題之夜，嚟緊中秋節就有大把嘢玩嘞。」收到。我知呢度有22間大大細細嘅派對房，一於訂定間貴賓房賞月至得。講講吓，咦，點解全場起哄嘅？啊，原來係老翻米高積遜出場，又跳又唱，搞起晒全場氣氛！呢一晚，蒲到凌晨攰攰哋，就走去大型水療揼個正骨，順便借宿一宵，認真盡興呀！
Love Bar
電話：（86）755-61629269
地址：深圳羅湖區人民南路發展中心大廈一樓（地鐵國貿站A出口）
營業時間：8:00pm-4:00am
貴賓房：最低消費¥980起
酒水收費：各地啤酒¥38/支、英國進口威士忌¥550/支