黎瑞恩、苗僑偉同吳啟華等噚日喺赤鱲角出席「高球界關愛行動」，黎瑞恩係活動嘅籌委會主席，佢話：「呢個籌款活動搞咗四年，之前幫四川地震，今年目標籌200萬，捐畀香港扶老慈善基金，下月8號有場慈善golf比賽。」問黎瑞恩點解學揸電單車，佢話：「身邊朋友都揸電單車，但主要係我好鍾意一架三個轆嘅電單車，所以決定考牌。」