港甲上星期五開鑼，首輪5場比賽合共吸引咗7,943位球迷入場（圖），有入場或者睇電視直播嘅球迷應該覺得賽事氣氛唔錯。睇番上季首輪賽事入場人數，同上季比原來少咗734人，不過，有成20個入球，多過上季6球；當中更有唔少靚波，既有罰球，又有遠射，仲有幾球係靠組織嘅靚波。今季志切重振聲威嘅南華有個好開始，對未來入座率點都有正面刺激啩。