內地銷情欠佳，作為「潮人」指標的I.T（999），近年香港業務表現亦大為失色。有外資分析員指，除了是受本港整體消費市道變弱影響，消費者直接於網上購買亦是「死因」之一。
該分析員說：「我老婆以前好鍾意喺I.T買衫，近幾年少咗，只係去舖頭試衫，試啱咗個款同size，就上網直接喺日本網站自己買……網上買嘅價錢，最平大約係喺舖頭買嘅一半，你話I.T生意點樣會好先？」難怪減價期間，部份店舖「拍烏蠅」。
內地豪客轉歐遊購物
另一「死因」是越來越多高消費內地自由行旅客轉為直接前往歐洲旅行兼購物，從而影響整體銷售表現。由於香港銷情欠佳，如一直標榜不減價的自家品牌「Chocoolate」，近期亦推出折扣禮券圖刺激銷售額。
內地業務表現不振、又適逢香港零售市道下滑，惟康宏証券及資產管理董事黃敏碩對I.T前景不是太過悲觀，皆因「平」。他說：「庫存偏高確實係一個問題，但係家佢個股價已經跌咗咁多，相對下估值唔係太貴，唔排除當解決庫存問題後，會有反彈。」