梁振英政府當市民冇到，七．一新政府就職有四十萬人上街、七二九反洗腦國民教育有九萬人上街、上周六有四萬人圍政府總部要求撤回國民教育、再加上師生家長社工馬拉松絕食，梁振英政府都一於少理，睬你都儍，他以為只將眼睛盯緊西環，腳步緊跟欽點他的老闆北大人，特首之位就穩如泰山，阿爺就唔會有Plan B。其實，佢咁諗就大錯特錯。佢咁樣搞落去，香港人遲早上街多過吃飯，而且一鑊比一鑊大，終於有一日搞到五十萬人上街，甚至六十萬、八十萬，而他跟他的政府民望繼續插水，跌破五十、再破四十、再破二十，到時阿爺發覺他根本管不了香港，睇吓仲會唔會用他？甩都甩唔切啦，換一個好過！所以沙膽虹奉勸梁振英唔好咁傲慢，當市民死嘅，咁落去肯定唔得戚得好耐！
咁多人反對國民教育，梁振英政府還不肯撤回，仍統一口徑說國民教育已有充份諮詢，並將責任推給前朝，指在曾蔭權政府時已經籌備，聽到都令人火滾。前朝做落好多嘢都被新政府批評到體無完膚啦！曾蔭權年代土地供應不足，不是被指是推高樓價的元凶嗎？新政府不是馬上設法增加土地供應？還將國民教育推給前朝幹嘛？
沙膽虹