喺歐超盃輸咗畀馬體會後，車路士畀班球員放短假，當散吓心。費蘭度托利斯（圖）就飛咗返西班牙，喺返國家隊前會合老婆仔女，成家人去咗旅遊勝地伊維薩島，享受陽光與海灘。不過啱啱輸咗個盃，費托心情都唔係幾好，記者點都影唔到佢開懷大笑嘅相，反而見到佢一個企喺個海度，好憂鬱咁祈禱。其實，費托開季腳風唔錯，兼且球季流流長，英超同歐聯先係車路士嘅最大目標，佢唔使咁愁嘅！