本來預算前天才會到政府總部參加集會，但星期五晚一邊食飯，一邊關注手機上的臉書更新，只因不斷有人上載那裏的情況，始終按捺不住，驅車直往。車到了添馬艦，正下着大雨，剛好，因為車程中不知怎地就想起23年前的一幕又一幕，雨水恰恰可以遮掩淚痕。相比自言一生就只哭過四次的吳局長，我確實是眼淺，起碼這兩天，看着台上的有心人，聽着觸動人心的說話，已不知紅了幾許眼眶。但我相信就算吳局長，又或其他的特區高官親臨現場，他們亦只有無動於衷，當然更說不出這像樣的人話：「同學們，我來晚了！對不起。」
赤子抗國教 與六四無異
其實也不只是官員，社會上確仍有人對由學生發起的絕食抗爭另有意見，要多得林煥光借「大象」作喻，正好套用上，因為蒙了心眼，所以出現不少「瞎子摸象」、以偏概全的言論。其中聽過這樣的說法，如果子女有一日同父母講：「我不想被限制打機嘅時間，請撤回呢個規定，否則我會絕食直到你應承為止。」身為父母嘅會有何感受？而香港的下一代就會多咗一個反抗父母長輩嘅武器：絕食。而跟住仲話係嗰啲支持學生絕食嘅人先至要獨立「思考」，咁危害健康嘅行動係咪值得鼓勵呢？換言之就係話啲小朋友唔應該用自己嘅身體嚟脅迫政府，我哋呢啲大人更唔應該推波助瀾。先撇開「打機」豈能和茲事體大的議題相提並論。就此說法，我當不以為然，如果唔係我哋嘅當權者一意孤行，漠視民意，逆眾而行，這些稚子又何須出此下策，寧願放棄自己的健康，也要喚起社會的關注，並爭取叫停惡策。官逼民反，怎會反而變了是恃勢行兇？加上現在的一輩多在父母百般呵護的照料下成長，知道乜係揀飲擇食，大大多過知道乜係絕食。而我哋自己咁大個人食少餐都嘈晒，更何況啲仔？何解竟然有備受寵愛的一群要搵苦嚟辛？況且佢哋爭取嘅根本不涉自身利益，因為佢哋已經唔使受國教，亦都肯定未有仔女，所以動機是純過清純的「利他」。能夠捨身為人，憑的是一顆赤子之心。同23年前有成千上萬的天真大學生為反貪腐而絕食，最後甚至丟了年輕性命的那場「風波」，本質上並無分別。可惜今天很多人都自動調節，說當年的事不但徒勞無功，反怪罪學生予人利用，差點誤了國家的經濟發展、國力騰飛，同一思路，今天的中學生又怎能倖免。所以執政集團亦只見更加肆無忌憚地腐敗，侵權殘民，「思考」越趨統一，未有「國教」都已經係咁，有咗仲得了。盧先亞