周家蔚同洪天明嘅愛情結晶品家已經四個幾月大，佢哋仲為未出世嘅囝囝改定英文名叫TJ。天明近日喺內地同黃秋生及阿嬌拍新戲，努力搵奶粉錢，周家蔚就喺香港專心安胎。噚日周家蔚喺微博貼咗一張全身相，見佢着咗條黑色背心全身裙，肚凸凸玩自拍，周家蔚仲留言話「小小的。」雖然已有四個幾月，但周家蔚除咗個肚，身形冇大改變。