係人都知，幫狼班子打工唔易啃，所以當深入狼穴嘅政務司司長林鄭月娥（圖），噚日喺電台節目上大呻，履新一個月以嚟度日如年嘅時候，八方都好奇怪，精明如林鄭，唔會估唔到今時今日嘅局面啩？林鄭噚日自爆，上任首個月以嚟，情緒相當波動，好打得嘅佢仲話「好怯」，一度擔心捱唔捱得到落去。八方明白嘅，狼班子一上場醜聞就接踵而來，好似硬推洗腦教育嘅教育局局長吳克儉以及劏房局長陳謬波咁，出事後都要林鄭好似奶媽咁悉心照顧，林鄭真係含辛茹苦㗎。不過，林鄭既然咁打得，點會唔適應呢個熱廚房？所以佢已經恢復元氣，噚日表明對前景信心十足，睇怕準備好同市民打多幾場硬仗。