AC米蘭意甲第2輪開齋，作客贏博洛尼亞3:1。新加盟AC嘅柏仙尼（中）就認真威，個人大演帽子戲法，證明貨真價實（AC用700萬歐元加卡斯辛奴換番嚟）之餘，亦不忘暗寸將佢出售嘅無情舊主國際米蘭：「今次對我以及信任我嘅人嚟講，都係一個好嘅兆頭。」柏仙尼咁威，家仲傷緊嘅柏圖最近就傳同女友、即係老細貝盧斯科尼個女鬧分手，睇嚟鴨仔真係隨時冇碇企。