法例規定，非香港永久居民係唔可以參與立法會地區直選同部份功能組別，而早前已經有外籍人士針對呢項「不平等條約」提出司法覆核。八方近日收到讀者報料，話自由黨主席劉健儀參選港島嘅名單上，有人知法犯法，擁有外國國籍；被指控嘅仁兄，原來係邵家輝。八方打過畀邵家輝查詢，佢直認曾經有新西蘭國籍，但決定參選立法會港島直選後，已經喺今年5月忍痛取消咗，家百分百係香港人。選舉期間有呢啲抹黑消息傳出，自由黨中人話一啲都唔意外喎。