田二少前日去到政府總部，諗住去探為反洗腦而絕食嘅小朋友，但佢堅持唔使撤回洗腦教育，結果被噓爆離場。雖則係咁，一向好堅持己見嘅二少，心情似乎未受影響，噚日仲帶住太太一齊喺超級星期天嘅拉票日，搭晒膊頭周圍同市民打招呼傾偈，似拍拖多過拉票。葉劉嘅千金榮欣亦有助陣，其實佢成個選舉期間都幫媽咪助選，噚日仲喺面上畫咗8字，藉此支持Uncle Tien。可惜八方唔喺現場，否則好想知道榮欣呢位番書妹，支唔支持香港嘅學童被洗腦呢？