呂方、陳芷菁同陳倩揚等噚日喺將軍澳電視城為《群星歡聚賀國慶》拜神，呂方經常被影到與唔同女伴去街，近日又有新緋聞，仲話呂方為女友下廚，呂方否認新戀情：「買餸唔一定煮畀女友食，朋友見我廚藝好，所以咪煮畀佢哋食。」呂方話家享受單身生活，忙住籌備國語碟，仲講笑話：「如果食親飯都喺女友，我咪情聖，我都想，但唔係嘛。」