今屆想喺九龍西派出周聯僑參選嘅工聯會，最終因為阿爺要力保民建聯蔣麗芸，黯然打咗退堂鼓，出戰超級區議會嘅陳婉嫻為此一直表現得好勞氣，又聲言唔會過票畀民建聯，就連周聯僑都講過，佢哋九西冇人參選，毋須幫人拉票。事實卻係，工聯會最鍾意呃人。有九西讀者向八方提供一張由工聯會屬會、香港文職及專業人員總會發出嘅推薦信，入面強烈呼籲會員票投蔣麗芸。讀者話非常不滿，斥工聯會一邊話唔過票、一邊又支持民建聯，同大話英一樣口是心非。