善信本着慈悲心放生，將魚放回海中生活，但有專家指做法反而令放生魚死路一條。長春社公共事務經理李少文表示碼頭水質污濁，放生魚未必能夠生存：「大部份放生魚為養魚，適應能力較弱」。而且，放生魚跟碼頭裏的魚基因不同，會打亂香港魚類基因的多樣性：「當原有物種嘅基因多樣性減低，一旦環境有變，魚可能無法適應」。
李少文又指放生魚類中，只有泥鯭能在惡劣環境生存，其中龍躉是深水魚，放入海中只有死路一條：「壯健嘅可能游到出去，但都未必識搵番出去嘅路，而且維港冇食物，有機會染病」。放生魚紛紛游上海面透氣，李少文指可見牠們氧氣量不夠，「所以先要去含氧量較高的位置唞氣」。
師傅：幫魚念咗咒語超渡
不過，有份主持放生活動的德智師傅則不認同放生等同殺生：「我哋幫啲魚念咗咒語超渡，佢哋會係最後一世做魚」。他強調，人覺得應該吃魚，認為魚可以果腹，但佛教則主張慈悲為懷、不殺生。對於有人在放生活動旁邊釣回放生魚，他更大表放心：「魚本身有靈性，放佢落去佢都要俾你釣走，係佢自己嘅選擇」。
《蘋果》記者