英超又出現球員斷腳事件，史雲斯嘅左閘尼爾泰萊（小圖）喺上周六對新特蘭場波，就不幸同對方中場格力加特拿硬碰後受傷，16分鐘已退下火線，領隊勞特立賽後證實佢足踝關節斷裂有排唞，惟有祝佢早日康復。主力重傷，好彩史雲斯場波都執番身彩，兩度落後都追和2:2，保住不敗身，入球功臣米捷3場波入4球，認真抵讚。