【本報訊】近年不少新加坡上市公司都來港作第二掛牌，作為香港本地薑的捷榮咖啡很可能加入這行列。捷榮第三代掌舵人黃達堂接受《爽報》訪問時表示，計劃開拓四大餐飲業務，帶領捷榮開拓咖啡紅茶以外的新天地，要做綜合餐飲服務供應商。捷榮於2001年在新加坡交易所掛牌，踏入公司第80個年頭，主席兼行政總裁黃達堂表示，當年在星洲上市，為的不是錢，「主要係想將家族生意轉化為一個public business（上市企業），家族生意係人治，上咗市之後，將管理同家財分開，家族只得我一個喺董事局，三個獨立董事。」
計劃返回香港上市
但他表明，今次計劃返回紮根地掛牌，錢是頗大原因，「我哋唔係喺IPO market刮完一筆就bye bye，集資所得係會用喺發展四大餐飲業務。」據其大計，公司會進軍四大範疇：第一是與果類有關飲料，主攻RTD（Ready to drink）市場；第二是麪粉及麪食；第三是奶類；第四是凍肉及相關產品。他指出，這四項新業務其實是針對內地食品市場最大的四類，「會喺唔同項目引入策略性夥伴，會係個個行業嘅專家，可以係合資，又或者係併購。」現時已有數個項目在磋商中，年底前會陸續公佈。近30多年，捷榮可謂壟斷了香港的咖啡紅茶市場的供應，黃達堂透露，「茶餐廳我哋佔超過80%、酒店40%、快餐92%、餐廳超過60%」，其中最好賺是茶餐廳。