觀塘<br>被屈作賊老翁遭爆頭

觀塘
被屈作賊老翁遭爆頭

【本報訊】79歲退休廚師劉伯,昨晨10時許,百無聊賴走落觀塘翠屏北邨商場對開長凳小歇,並與街坊「打牙骱」打發時間。其間,一名77歲姓陳老街坊,甫坐低即手指指,譏笑劉伯道:「你偷人電話,係賊仔!」劉不甘被屈出言反駁:「你唔好噏得就噏,有證據,就叫佢(失主)同我當面對質!」雙方為此爭拗得耳紅面赤,大動肝火,其間有人惱羞成怒,執起身旁一部小型收音機,猛力扑落劉伯頭部,他登時痛極呼救,頭部傷口鮮血濺落衣衫,其他街坊見發生血案,代為報警。
警員接報到場調查,將受傷劉伯送院治理,並拘捕涉傷人的陳伯帶署作進一步調查。劉事後在醫院喊冤道,前日在一名逝世街坊門外雜物堆中拾獲手機,後因其家人來電索回,他即日已完璧歸趙,惟好人難做,懷疑陳伯聽信流言,誤以為他貪心偷人手機欲據為己有」。