「如果釣到放生魚，要拜過神先好食﹗」北角碼頭變身放生場，吸引不少魚友「覓食」，卻同時出現釣魚要拜神的怪現象。原來有釣魚友因吃過放生魚發生連串怪事，弄致人心惶惶；因此有人建議釣了放生魚，最好先用香燭拜一拜牠。夜釣發燒友陳小姐每晚都會帶同香燭冥鏹到碼頭，未釣魚先點香，向海面拜一拜，再以三支為一撮，然後逐撮放在碼頭石壆上，任由香燭自然燒完。「好多人喺附近放生魚，有時會釣到其他種類，好似龍躉咁，另外個嘴花咗嘅魚，都係放生嘅。」陳小姐解釋，原本該區水域的魚大多是石蚌、火點或紅鮪，但近年卻甚麼都有，例如象拔蚌、蟹和龍躉。
有人稱釣到手掌
附近一帶釣魚友傳言，有人釣到放生魚，拿回家吃後便出事：「俾車撞啦，跌倒入院啦，總之好恐怖……」她更聲稱有朋友曾經在釣魚時，釣到人的手掌。雖然已事隔兩年，但陳小姐仍猶有餘悸：「好恐怖，佢望都唔敢望，就掉返落海！之後又試過見到水中有個女仔同佢say hi。」翌日，朋友嚇得立即買齊元寶蠟燭到碼頭拜神。自此，釣魚友養成習慣，釣到放生魚便拿到街市賣或拜神後才吃：「拜吓神求個心安囉」。
《蘋果》記者