好多球員一老咗就keep唔到狀態，但37歲嘅英格蘭中場碧咸就越老越可愛，繼大約一周前中冠盃嘅角球直射建功後，喺上周六場美職聯銀河主場對白帽，又嚟一腳招牌式罰球，個波25碼直飛龍門右上角入網，係佢上陣近8場嘅第6個入球，亦幫球隊以2:0勝出，進一步鞏固踢季後賽嘅機會。不過，萬人迷85分鐘被換出後，要用冰袋敷住足踝（圖），希望佢冇咩事啦。