今夏大事擴軍嘅法甲豪門巴黎聖日耳門（PSG），開季3連和，領隊安察洛堤當然唔收貨。PSG早前經已豪購咗伊巴謙莫域、堤亞高施華、拿維斯同盧卡斯洛迪古斯等球星，喺轉會窗臨關閉前，PSG再喺阿積士撬走荷蘭國腳右閘雲達韋爾，轉會費只係600萬歐元；計計埋埋，PSG今夏已經豪使咗1.28億鎊（約15.6億港元），成為今夏嘅使錢王！