陳百祥（阿叻）黃杏秀夫婦前晚出席洋酒活動，問阿叻港姐送車的安排，他說：「不如講第二啲，黃杏秀之前喺電視城錄影慧妍雅集活動唔見咗對鑽石耳環，好肉痛。」問耳環是否他送贈，阿叻笑言：「梗係我出錢，佢冇做嘢幾十年。」在旁的秀姑笑言：「我有贏馬。」
保安冇發現
阿叻透露損失近半百萬：「同TVB送架車差唔多，我哋有特別化妝間，唔係偷，可能係跌咗，今次係可能最貴嘅客串。」記者問到會否再送珠寶給秀姑，他表示：「要送一套啦，希望馬季快開，屋企多垃圾，當跌咁啲。」對於秀姑遺失耳環，無綫外事部副總監曾醒明昨日在電話中說：「當晚VIP房係得阿叻同秀姑共用，秀姑發現唔見咗耳環後即派咗助理編導同保安返去搵，但冇發現，阿叻事後都派過助手入嚟睇閉路電視，但都睇唔到乜嘢。」問到秀姑有報警嗎？曾醒明再說：「暫時未知佢哋會點處理。」採訪：林嘉慈 攝影：黃偉雄