任職兒科護士的Constance，平日忙得不可開交，幾乎連飲杯水都無時間，但她為了給孩子最好的東西，工作再忙也會爭取時間「泵奶」，晚上再累也會堅持「埋身餵」，直至小女兒四歲。從她觀察，女兒體形明顯較同齡孩子高大，抵抗力較好，母女間也較親密。
Constance說，她也曾有餵母乳失敗的經驗。七年前大女兒諾心出世，她因壓力大致奶水不足，加上手受傷要用類固醇治療，被迫放棄餵人奶。
細女較同齡孩子高大
三年後小女兒諾曦出生，她決心盡力餵母乳，「返工只有40分鐘食飯時間，要用30分鐘泵奶，惟有喺等時食塊餅、飲盒奶，令自己多啲營養」。就算出街或去旅行，她也會堅持餵人奶，「喺街就用條餵奶巾遮住嚟餵，去旅行就把握時間喺坐旅遊巴時餵」。
今年四歲的諾曦雖已毋須依賴母乳充飢，但依然未戒甩吃母乳的習慣，「好多人話我太寵佢，但我覺得係一種親子關係嘅維繫」。從Constance觀察，諾曦比其他同學明顯高大，抵抗力也較諾心好，「通常我有病都會先傳染畀大女，就算兩個女都病，都係妹妹容易啲好番」。
Constance現懷有三個多月身孕，她計劃孩子出生後也會餵母乳。她這份堅持其實源於一個簡單信念：「每個媽媽都想畀自己小朋友最好嘅嘢，自己辛苦啲都要做到」。
《蘋果》記者