樂壇大姐大麥當娜喺台上表演時經常挑戰尺度，乜都夠膽死，估唔到連佢個養女Mercy都學咗阿媽咁大膽。娜姐早排就同嫩口男友Brahim Zaibat拖埋Mercy喺法國出海玩，Mercy竟然爬上高崖上面，然後飛身跳落海，少啲膽汁都唔掂。但娜姐自己就好失威，論論盡盡咁跌咗落水，佢同男友仔仲唔知點解要着住波鞋游出浮台，唔通怕有食人䱽咬腳趾？