車路士喺歐超盃1:4大敗畀馬體會，迪馬堤奧同一班球員固然失望；不過球隊中場艾辛就唔使睇住車仔丟架，因為佢喺開波前已經正式外借咗去皇馬一年，兼重投前車仔主帥摩連奴懷抱。呢位29歲嘅加納鐵漢喺05年由摩連奴從里昂以2,400萬鎊挖角上車，不過近年成日傷；難得摩連奴家肯收留，就睇吓艾辛能否喺皇馬重拾雄風。