李克勤前晚在九展舉行音樂會，老婆盧淑儀帶同大仔立仁撐場，現場還播出立仁跟老竇着父子裝的短片，克勤扮囝囝說：「老竇原來買咗一個珍寶珠咁大嘅鑽石搞掂阿媽。」全場爆笑。
撐票選歌王歌后
曾是無綫契仔的克勤，竟在騷上玩謝無綫，他跟觀眾玩遊戲時，笑言要download個app，畫面就出現unavailable一字，擺明寸港姐普選爛尾，克勤又慨嘆身為四大歌手不能上無綫，接着就播出鄭裕玲（嘟嘟）拍攝的短片，嘟姐叫他着蒙面歌手龍小菌件衫，可返無綫唱餐飽，克勤抵死說：「唔只TVB，BBC都得啦，咁着就一世污點。」對於無綫唔怕死想搞一人一票普選歌王歌后，克勤說：「自己係老餅歌手梗支持。」
採訪：黃曉妍
攝影：仇志德