「現在台」復播巴甲但冇咗英冠，10月約滿多數同呢個收費台分手，慳番兩百幾蚊個月；冇得睇都一樣咁關注，今周英冠重頭大戰係今晚尾場李斯特城迎黑池。講過黑池嘅恩斯仔唔走，班波今季好有前途，周中冇波唞夠；相反李城盃仔出副選迎戰乙組伯頓輸2:4，小舒米高把關一向唔多穩陣，仲要讓平/半，咁快蟲變龍？