屢傳負面消息嘅亞視，噚日俾通訊事務管理局鬧違反節目及廣告標準守則，三個節目分別係《我愛返尋味》、《fun轉每一天》、《賢妻良母》，前兩個俾人警告，最後嗰個更加「強烈勸喻」，真係冇面。不過，呢三個節目都係南方衞視同深圳衞視頻道播出，即係亞視又係俾大陸所累。呢幾個節目有啲就係佢太過hard sell某啲牌子，有個節目就渲染家庭暴力，好大劑。另外，港台節目《有冇搞錯》有次講考試作弊，被投訴教壞細路，結果俾通管局勸喻。數碼通同中移動分別因為收費陳述誤導同埋推銷手法有問題，罰款10萬蚊同埋5萬蚊。