上季由AIK蘇納轉投蘇超勁旅些路迪嘅箭頭穆罕默德賓古拉（圖），因經常受到傷患困擾搞到冇乜機會上陣，結果今季又以外借身份重投AIK。呢位塞拉利昂箭頭臨別秋波之際，佢嘅前些路迪隊友包括列特利同史葛布朗等，就將佢嘅座駕貼滿晒便利貼，作為賓古拉嘅道別禮物；今次認真大整蠱，搞到賓古拉唔知好嬲定好笑，睇嚟佢都要花啲時間清走晒啲便利貼先可以開車。