【本報訊】上市僅15個月的米蘭站（1150），在銷售放緩加上董事自己勁加人工自肥的情況下，已徘徊蝕錢邊緣，半年只賺約40萬元，即中港兩地共20間分店，每月平均合共僅賺6萬多元！只夠買一個Hermès Birkin手袋。記者：吳綺慧
有分析員認為，米蘭站最壞情況未過：「佢已經入少好多新袋，反映老闆自己都睇淡個市，唔敢坐貨。」上市時曾奪「超購王」美譽的米蘭站，前晚10時48分才公佈遠遜預期的中期業績，昨一開市即喪插9%，收報0.6元，老闆姚君達身家亦因此蒸發逾2900萬元。米蘭站期內純利大跌99%至只有38.6萬元，純利率只有0.1%，幾近虧損。上半年收入減少13%至3.74億元，5萬元以上的貴價袋銷售下跌19%，整體毛利率跌4個百分點，不派中期息。
觀塘店減價清貨
本報記者昨日到米蘭站位於觀塘的分店觀察，未見有客人購物，店內有一個貨架正進行減價清貨，未用過貨品9折，二手貨85折。據零售分析員透露，米蘭站昨日早上舉行投資者簡佈會，言談間透露出下半年「生意難做」的看法：「都喺話要發展中國市場啦，但睇上半年個業績就見唔到中國業務有幾好囉！」公司內地分店數目，按年增1倍至4間，但生意僅升30%。輝立證券分析員莫京燐指公司銷售差過預期，為存貨撥備金額亦大增3倍，有可能是老闆「睇錯市」，入多了存貨：「存貨水平比去年底減少咗，但主要喺因為做咗撥備，如果睇番個賬齡，已經超過半年以上的手袋數目喺增加，咁即喺賣唔出啦；但低於90日的存貨竟然按年減少一半，即係入少咗新袋。老闆都睇淡，咁下半年點會好？」
上市後狂益董事
他又指，米蘭站一上市，去年即大增董事酬金154%，至1390萬元，姚君達人工更勁升逾1倍至714萬元。「你話公司業績做得好就話啫，但半年賺得40萬，董事1年就出1400萬糧？仲要上半年前線員工的薪酬支出係按年減少，即淨係董事有人工加。」莫京燐相信米蘭站最壞情況未過，料在租金水平難降、本港零售仍未見底的情況下，業務難有大改善。米蘭站於業績公告中預期，下半年市況有望好轉，香港會繼續優化現有16間零售店，內地則會在北京再開兩間分店，亦會進軍廣州。
