閒話家常:房策出籠 新盤嚟料 - 伍志輝

閒話家常:房策出籠 新盤嚟料 - 伍志輝

早兩日梁特首講的是樓市政策抑或「流」市政策,相信心水清的讀者都有個答案。反而近期另一個樓市焦點屯門新盤瓏門,其影響力可能更大,這個售價一定會與同區二手呎價存在極大落差的新界西北區新盤,在梁特首剛公佈一系列期票式房策的「影響」下,其銷售成績和市場反應,必然是下半年樓市的指標。
瓏門之所以擁有如斯高的知名度,全因發展商那套「吹風價」技巧實際很「高」,今年初已經揚言賣過萬蚊呎,話題性十足,大家可能仍未搞清楚物業名稱寫法以及地點所在,但最低限度已經知道屯門將會有一個新樓盤發售。
經過這麼多年的經濟樓市起伏循環,發展商早已懂得花樣八門的賣樓宣傳技倆。確保每日見報的「唧牙膏」式樓盤記招已成例行公事,較有「heart」的會來一場傳媒導賞團認真介紹樓盤賣點,勁有「money」的甚至會大搞海外記者團,將物業用料來源地「晒冷」。
發展商要應付傳媒,充其量只是使出「花招」,至於更實際的樓盤定價方針,則幾乎所有大公司都活用「唱高開低」又或「先貴後平」的手法,令人產生「平咗喎」又或者「抵買咗喎」的心理錯覺,加強定價的說服力。
還有兩天就是開學的大日子,今期的靚盤及搵樓欄目,都圍繞開學主題介紹物業,至於上車盤的介紹,下期再續。

伍志輝 《家》主編
mailto:[email protected]