【本報訊】學民思潮冒起之前，陳浩輝原是「淨係識讀書，今日淨係諗聽日做咩，唔會諗將來」的中學生，7.29他與朋友好奇走上遊行隊伍前排，看見學民思潮的成員喊得聲嘶力竭，沿途市民不斷送水、為他們抹汗。他才驚覺原來中學生的力量可以如此強大，「我都set番個目標畀自己，我想做社工，影響社會」。
「力量可以積少成多」
大部份學民成員是高中生，不會成為洗腦教育犧牲品，「我哋唔淨係諗自己，仲諗埋小學生，為下一代爭取。我先發現，原來中學生可以為社會做咁多嘢，原來我以前咁短視」。
說起學民思潮成員為此付出整個暑假，阿輝語帶愧疚，前晚專程到政總探望絕食學生，「我升中六，放唔低學業，唔能夠好似佢哋咁犧牲自己，呢班人真係好犀利」。
經過今次反洗腦運動，阿輝看清高官的真面目，只懂假諮詢，「我身邊好多人都唔肯出來，屋企人都唔肯，因為大家睇唔到未來」。
縱然他對香港感到悲觀，但作為一個普通中學生，起碼應該上街，「其實力量可以積少成多，香港嘅未來喺每個人手上，家唔出聲，遲啲連聲都冇得出」。