【銅鑼灣】佘詩曼呢排唔使拍劇，前日下晝5點幾陪媽咪去銅鑼灣血拼，着住牛仔熱褲嘅阿佘大晒美腿，孭住一大袋CHANEL戰利品招搖過市，兩母女喺條街周圍望，終於再殺上G.O.D.濕平。
阿佘似乎對傢品冇乜興趣，掛住玩手機，等佘媽媽買完嘢之後，行到口乾嘅阿佘買咗杯芒果飲品慢慢啜，行路慢吞吞嘅阿佘過馬路時見到記者，即刻走入名店借後門鬆人。採訪、攝影：朱志聰
