無綫為補償今屆港姐投票爛尾事,會搵應屆三甲佳麗挑戰難度,喺嚟緊嘅慈善節目中表演行鋼線。前晚幾位師姐樊亦敏、張嘉兒、朱晨麗同李雪瑩先親身示範,喺電視廣播城錄影嘅節目《慧妍愛心傾城30年》中表演跳敦煌舞,佢哋個個好似識雜技一樣,同舞蹈員被吊到半空,做出凌空一字馬、金雞獨立同倒豎葱等高難度動作,雖然有威吔吊住,但睇落仍然好牙煙。
有芭蕾舞底子嘅朱晨麗話:「第一次跳敦煌舞,好高難度,好多肢體動作。」前晚仲有朱玲玲、鄭文雅同趙雅芝等殿堂級港姐坐陣,已為人母嘅楊思琦更谷胸亮相㖭。撰文:洪紅克