【本報訊】「春田花花幼稚園」的學生對着五星旗大嘆「近（勁）！好近（勁）！」麥兜邊哭邊吃雞髀，與麥太振臂高呼「我要講真話！」二次創作短片《麥兜洗腦腦》點擊率達40多萬人次，由一位名叫「小孩子」的網民日以繼夜、夜以繼日獨力製作，記錄家長反洗腦運動歷程。
獨力製作一腳踢
相比正在絕食的孩子，他自覺所做的不算甚麼，「冇咩了不起，只係條片觸動好多人，差在呢班人9.1肯唔肯行出來。」
小孩子從事平面設計，參加7.29大遊行後，的起心肝捱十多晚通宵製作《洗腦腦》短片，「麥太好緊張個仔，心情同家香港家長一樣。我係成日匿喺屋企嘅小市民，都為香港擔心」。從故事大綱、劇本、剪接、配樂，小孩子一腳踢，同時不斷找網友配音，「改來改去，做完病咗成個禮拜」。
片尾Miss Chan不上國民教育，改上音樂課，明撐老師罷教，「如果大家唔想聽日嘅香港，變今日嘅中國，應該為小朋友企出來」。