【《蘋果》放蛇】
【本報訊】拍賣網騙案層出不窮，近期網上有多名受害網友鬧爆一對男女賣家，公然在雅虎拍賣網出售仿製iPhone，並吹噓能極速上網。《蘋果》記者放蛇發現，仿機與真機幾乎一模一樣，但功能就差天共地。惟賣家每天客似雲來，更出售仿iPad賺到盡，有受害人不甘受騙，聲稱已報警。
記者：陳偉雄、龍宇畧
被網友指為「拍賣騙子」的男女在雅虎拍賣網搵食，出售平價iPhone和iPad等仿製品，更貼上大量相片，其中的仿製手機，不論高清屏幕、介面、外形，甚至功能均與iPhone 4S九成相似，驟眼看幾可亂真，惟售價僅690元。
「我呢部機叫iPhone 4GS，好抵玩㗎！」賣家Candy聲稱手機在台灣生產，所以才能以平價出售。記者在電話中假裝想購買，Candy要求先存入100元訂金。記者入數後兩天，Candy果真回電，並相約港鐵觀塘站交貨。當天Candy和一名黃姓男子攜着兩大袋前來，記者直問是否蘋果產品，Candy才低聲說：「部機咁平，當然唔會係真貨。」但堅稱有齊iPhone 4S功能，只欠iCloud和Siri。
這部iPhone 4GS無論外形和介面，像真度甚高，連包裝盒和充電的USB線也抄到足，「呢部機好勁㗎，上網、打機同睇片乜都得，只係相機差少少，得200萬像素。部機內置4GB容量，可支援32GB記憶卡。」
「劣貨中嘅劣貨」
Candy推銷手機是用Java程式，並堅稱可下載app（手機程式），「呢部機我都未摸熟，你返去慢慢研究啦」。交易期間，Candy生意不俗，先後有多名客人前來取貨。原來二人除出售仿iPhone，還有仿iPad，還在觀塘廣場對面一幢工業大廈租有倉庫，Candy更是香港專業進修學校學生。
記者經測試後，發現手機「得個樣」，除不能上網睇片和睇相外，亦無法下載app和遊戲，基本上只得通話功能。先達手機達人Lo哥狠批：「呢部機係劣貨中嘅劣貨，最多用到三個月！」