前日香港有八套電影同一日上映，最受注目嘅係張栢芝同內地男星小沈陽嗰套《河東獅吼2》，睇吓佢會唔會繼四連仆之後再下一城。《河東2》開賣當日票房只有2.2萬，八部新片中排尾三，睇嚟部戲都係得兩個禮拜貨仔。部戲之前已喺內地上畫，到目前為止都係得7,000萬人民幣票房，極有可能成為小沈陽從影以嚟第一部唔過億嘅戲。