《和孩士多》寶寶有便便！當然不是令家長驚訝的事，因為小寶寶除了食同瞓，最叻其實就是大小二便，當家長換尿片換到對手都軟的時候，你同寶寶也應該一起揮別尿片，讓寶寶學習如廁了！記者：陳家蕊攝影：陳盛臣模特兒：Joseph@Pure Models場地提供：Leisure Plus（2186 8288）
三吸盤設計 特別穩陣
要寶寶學習去洗手間，各位爸爸媽媽可能會四出搜尋學習座廁！如果讓囡囡學習坐着如廁，咁就理所當然啦！但假如嗰一位係公子，要讓小男孩學習站着尿尿，咁就真係有點難度！因為不論家中的馬桶，或是商場的尿兜，其高度都不大可能適合小寶寶。專營小童生活百貨的B&M愛心寶寶，為此就最新引入韓國Pororo男孩廁所。家長可能不識Pororo，但相信小朋友就一定知道佢係一隻卡通小企鵝，Pororo是韓國最火熱卡通人物，在香港也有它的卡通播放，所推出的產品由掛牆鐘、床單到教學光碟也有，韓國還有它的主題公園！相信它受小朋友歡迎程度，絕不可看輕！今次它推出的男孩廁所，鮮艷藍色設計，加上大大個得意Pororo頭在尿兜上，相信寶寶一定不會抗拒！而附有三吸盤的設計，方便家長掛於家中任何牆上也可以，十分方便！如果是囡囡的話，尿兜也最好選擇一個功能全面的學習座廁，Mariolo 3Way寶寶訓練便器，就全面照顧由一至六歲的寶寶；由第一階段幼兒學便便，到第二階段安裝於家中馬桶作輔助，再到最後變成腳踏，讓寶寶踩上或坐上馬桶如廁，都完全照顧得到！
寶寶實測
其實尿兜本身已相當輕，仲要採用三吸盤設計，所以相當穩陣；不過最怕牆身有濕氣，例如家中有人剛冲完熱水浴，咁就有機會「打瀉」喇！所以建議都係每次用完拆下清洗。
出街摺廁 唔學強國人
家長們為了安全，好多時候都要睇住自己的小朋友去便便；但近年在香港，可能我們睇其他家長帶小朋友去便便的次數，機率也相當高！事關很多自由行的旅客，都會讓他們的寶貝仔女通街大小二便，衞生令人擔憂！在美國，要一家人出門或坐長途的車，如果遇到小朋友突發性想去洗手間，原來都會在街上大小二便，不過會有公德心好多囉，因為他們多數會用便攜廁所！例如美國品牌Potette Plus出品的兩用摺合便攜廁所，據稱一推出就大受歡迎！折叠式設計可放入媽媽的袋中，攜帶方便，只要套上膠袋，便便完畢，家長可以輕易處理，又不會弄污其他地方，另外亦可以展開平鋪於馬桶使用。這個出色設計就先後於美國、英國、西班牙以及法國獲得多個兒童用品設計的大獎，絕對是香港家長的信心之選！
醫生教o殊o殊聲學如廁
對於教小朋友去洗手間，可能傷透了家長腦筋！事關唔知可以點入手，美國有報告指，太早逼小朋友用馬桶如廁，會令寶寶長大後容易便秘，新傑醫療集團醫務總監張傑醫生就指：「報告未必可信，但家長也不應該逼小朋友去洗手間，這使小朋友對去洗手間會造成心理壓力，但同時也不要過份放縱小朋友，因為如果太依賴尿片也沒好處。」他指最好在寶寶歲半開始訓練，如傳統的指令o殊o殊聲，在進食後的一兩個小時，提醒小朋友去洗手間，當成功在指定地方如廁後，作出適當的鼓勵，之後一直使用同一指令再加以鼓勵，寶寶就一定成功！而泌尿外科專科黃國田醫生就表示，若於小童七歲後依然經常失禁，就記得一定要帶小朋友睇醫生找出原因。a.B&M愛心寶寶（ http://bnm.com.hk）b. Baby Outlet（ http://www.mamabebe.com.hk）
記得洗手！
除了如廁，也要記得教小朋友洗手！但小朋友唔夠高又有乜方法？Aqueduck鴨嘴洗手輔助器，就幫助水流向前，小朋友洗手都冇咁辛苦！
