【本報訊】本港零售業經歷曇花一現的反彈後，7月份再陷入更深的低谷，期內零售銷貨值只按年增長3.8%，遠低於市場預期的9%；若不計農曆新年的季節性因素，此數字更是自09年9月以來最差。零售管理協會主席麥瑞琼對這表現感到「震驚」，指就算內地加推「一簽多行」自由行來港，料幫助亦不大。
記者：吳綺慧、陳健文
麥瑞琼表示：「我見到呢個數字真係有少少震驚，好多零售類別表現反映市道係全面地差。好似7月服裝店明明減緊價，銷售竟然跌1.3%；而最反映民生嘅新鮮及急凍肉類食品，銷售跌緊6.6%，令人好意外。」
內地旅客消費力不再
她說，就算內地6個城市再加推非本地居民「一簽多行」來港，都不可能令本港零售立即扭轉弱勢，回到去年好景市況，「即使有啲幫助，但要刺激到好似以前咁有10%至20%增長，係冇可能。具體有幾大影響，要時間再睇。」
事實上，7月份內地旅客來港數目按年仍增長22%，但期內零售表現卻大幅放緩，反映內地旅客整體消費力早已大不如前。
對於有分析指出，自由行逼爆香港或會帶來反效果，趕走高消費「貴客」轉戰歐洲旅遊，麥瑞琼形容這是「幾深入的分析」，「不過我哋打開門做生意，使多使少都係顧客。針無兩頭利，呢個政策可能令到人客多咗，但消費力唔高，多咗人齋睇唔買，環境係會擠迫咗，前線員工又辛苦。係會有好多side effect（副作用）。」
瑞信昨發表報告，以「多旅客有助益，但不要太多」為題，估計新措施將導致未來12個月，會有再多365萬內地旅客湧港，由於高達八成為即日遊，對零售業會有幫助，但不要過份樂觀。
麥瑞琼指，歐債危機困擾，加上內地出口數據疲弱，不斷打擊中港兩地居民的消費意欲，相信在經濟前景明朗化前，零售業都會較疲弱。「7月頭兩個星期生意好差，月尾有颱風又有影響。部份零售商估8月只有低單位數增長，我哋就樂觀啲，預期會有8%左右。全年預測都調低咗少少，大概10至13%。」
僅智能手機保住強勢
本港7月零售總銷貨價值為365億元，按年升3.8%；若扣除價格變動後，銷貨數量只升1.3%。各項零售類別中，以傢俱、書報等日常用品銷售跌幅最大，分別按年減少6.6%及10.2%；整體食品亦下跌1.6%；燃料則減少4.5%。正在大減價的衣服鞋襪，銷售僅按年持平，珠寶首飾的增長亦持續放緩，只有0.9%升幅。唯一保持強勢增長的，是包括iPhone等智能手機的其他耐用品類別，銷售仍升65%。
業界意見：下半年有轉機
「今年係龍年，多嫁娶，而嫁娶一般都喺下半年進行，我覺得下半年生意會好轉。7月個數有打風影響，加上內地又水災，所以差啲囉！內地又推一簽多行，我哋當然歡迎，相信影響會逐步體現，唔會千萬人同一時間湧來港。」
業界意見：大反彈有難度
他本月初在業績會上表示，下半年香港零售市道唔會有大反彈，「唔係經濟大幅轉差，係市場期望過高，舊年基數咁大，增長自然無咁快。」他指7月若扣除颱風影響，銅鑼灣崇光百貨銷售按年只持平，8月初有輕微改善，料下半年同店銷售最多都只有高單位數增長。
業界意見：今年不太樂觀
他在6月中業績會上表示，對今年本港零售市場形勢「唔樂觀」，銷售放緩，已抵銷不了租金漲幅，旺區分店要遷至人流較少位置，令營業額萎縮。「同事成日都講笑，幾年之後我哋可能冇晒街舖。」
