昔日手持二百個山頂、南區豪宅，坐擁數十億元身家的秦錦釗，現在談起當年的威水史，竟有半分傷感。但他一面怪責指記者不應挑起他的傷心事，但仍不改得戚作風：「如果唔係新華銀行單嘢，香港好多富豪都唔係我嗰皮！」
幫獄中囚友成功翻案
04年，他因為串謀詐騙新華銀行二億元信用狀貸款，被判囚六年半，後上訴減刑至五年半，07年中放監。「我學識做嘢要小心，千祈唔好信銀行，我宜家唔用信用卡同提款卡，去都唔會去，要錢洗就叫職員幫我去攞。」他隨手在袋中掏出兩叠千元大鈔拋在枱上，說：「呢度十萬蚊！」
秦錦釗說，監獄的生活，除了食之外還算不錯，閒時他研究法律，甚至出錢幫獄中囚友上訴，成功翻案，現在更成為他的職員。他自言，出獄後已退居幕後，公司交由太太和女兒管理，只間中給意見。他仍看好豪宅後市，估計中半山、山頂和南區的樓價，未來五年最少還有百分之五十增長。
對太太被內地海關扣查，他說不敢到大陸探望，怕被拘捕。他又說太太只管財政，卻被毆打迫供，十分無辜。
《蘋果》記者