四台頒獎禮各有各玩，年年都被抨擊唔公平，歌神張學友十幾年前已大聲疾呼希望統一頒獎禮，其實現今歌手都好期待有個公平公正的樂壇頒獎禮。
採訪：丁寧
容祖兒：如果有係好事，獎項少咗會更加珍惜，物以罕為貴，不過每個台都有唔同機制，明白唔容易實現。
楊千嬅：冇所謂，家攞獎都係錦上添花。
陳慧琳：有就最好啦，唔使咁多頒獎禮咁亂。
陳奕迅：自己係樂壇一分子，有歌候選就會參加頒獎禮，我冇乜意見，只希望做好本份唱好歌，無論一個頒獎禮或幾個頒獎禮，對我嚟講都重要。
G.E.M.：好希望有一個好有標準性同權威性嘅頒獎禮，好似格林美咁有代表性就最好。
古巨基：我當然支持，其實好多年前，我已經成日話支持學友提出嘅統一頒獎禮建議。