潮州怒漢金勞詹突然唔玩，福建幫恒豐證券老闆張華峯替補入閘喺金融服務界參選。可能係職業病作怪，張老闆將選民稱為「客戶」，話連日已經接觸咗成300個客仔，深信自己過去「業績」唔錯，有信心獲呢批客仔「投資」。
張老闆話呢次選舉最大體驗，係金勞詹嘅鐵票真係好厲害，所以自己都拜會過金勞，希望對方幫佢喺選舉日Call吓客都好，仲好謙虛咁話唔會高票過金勞，係唔會、唔想定唔敢？八方不得而知。工程界嘅唐營中人何鍾泰選情就冇張老闆咁穩，噚日開始發動攻打梁粉對手盧偉強攻勢，宣傳品暗示唔怕被西環打壓，建制派為議席鬼打鬼，認真精采。