由彭浩翔導演、陳靜（DaDa）、杜汶澤等主演的電影《低俗喜劇》叫好又叫座，前晚台前幕後拉大隊到上環舉行慶功宴，品嚐戲中的有味菜式「鹹酸菜炒牛歡喜」等，而阿澤、導演及老闆將豪花百萬請眾人到日本東京旅行。
電影《低俗喜劇》自本月9日上映至今，票房走勢凌厲，截至前日票房已達2,463萬，前晚台前幕後到上環舉行慶功宴，款客的菜式亦刻意配合電影大玩三級有味菜名，如戲中提及的「鹹酸菜炒牛歡喜」、「荷蘭豆炒豬XX」等，適逢邵音音前日牛一，眾人即場切蛋糕慶祝。
回饋台前幕後70人
邵音音醒目地捉住性感到場的DaDa影合照，又提議DaDa俯身拍照，DaDa狂騷四吋事業線，十分養眼。而眾人亦即場宣佈票房報捷，故老闆、導演彭浩翔及阿澤將夾份斥資百萬，宴請台前幕後70名工作人員到日本東京旅行五日四夜。
阿澤自言旅行會包機票食宿，更有獎抽、有女媾，預計十月起行，他說：「老闆賺咗要幫佢使吓，回饋同事咁辛苦，我哋夾份係以本身財力計，係大家福利。」
音音撐家輝父慈子孝
緋聞纏身的DaDa被指戀錯空心闊少，她無奈表示：「呢個係經理人朋友，識咗年幾，係普通朋友睇場戲，佢冇追我，亦冇諗有冇發展機會。」
邵音音對於好友劉家輝的近況，她強調家輝身體已好了好多：「寫到家輝亂花錢，但係佢好慳，佢個仔好孝順，喺香港陪佢照顧佢，講到佢咁淒凉，如果好似雜誌咁講就迴光返照，不過我都會去問清楚。」
採訪：溫敏芝 攝影：黃文偉
慶功宴菜單
頭盤：
咸（鹹）酸菜炒牛歡喜
錦繡老味拼盆
主菜：
荷蘭豆炒豬XX
腿茸多汁時蔬
合家炒乳鴿
紅燒花膠雙飛翅
你老味大海蝦
清蒸大海班
七日走地雞
爆炸炒飯、吉祥伊麵
甜品：
蓮茸（蓉）焗布甸
音音姐賣大包