曾經同尊達拉華特合演《特攻巴黎》嘅波蘭女星Kasia Smutniak，成為咗今屆威尼斯影展嘅司儀，真係啱晒識得四國語言嘅佢。
可能有得出大場面，Kasia噚日喺威尼斯畀記者影相時，就興奮到赤腳走入海灘成個跳起，示範水上飄浮甫士。Kasia又風騷大送飛吻，但係佢喺碼頭條好窄嘅木橋上擺甫士時，啲記者就要喺窗口伸半個身出嚟影相，真係辛苦晒。
