「地產狂人」融創（1918）主席孫宏斌一向寸嘴，噚日連股民都寸埋，暗寸人哋唔識貨！話說孫總噚日主持業績記者會，俾人問到點解上市近兩年，股價仲潛緊水。唔知係咪觸動到佢神經，佢即刻一輪嘴解釋，大讚公司近年銷售增長幾多，業績升咗幾多云云。
自己冇錢增持融創
「股價不升是甚麼原因？一定不是我們的原因」、「比我們好的公司不多，但股價比我們高的公司很多，很荒唐！」又話融創係「小公司的市值，中公司的銷售，大公司的管理」。照孫總咁講，一句到尾，都係股民唔識貨囉！
既然咁好，孫總會唔會增持融創呢？答案係唔會，孫總話冇錢喎。