近日傳出因為上海申花出現財政問題，令陣中「魔獸」杜奧巴同安歷卡前途成謎。不過，杜奧巴就一於好少理，周二返咗前屬球會車路士探班；成班前隊友包括「王子」費蘭度托利斯等，都爭住同佢合照。其實杜奧巴或者會喺短期內再返去車路士，因為如果科特迪瓦晉身出年年初嘅非洲國家盃決賽周，魔獸就打算喺聖誕前喺車路士跟操，以保持狀態。