政府班高官家好鍾意落區做騷，事前唔通知傳媒，搞到雙方關係越嚟越差，估唔到上季四大皆空嘅南華好學唔學，噚日全隊連同班主羅傑承又閂埋門喺大球場拜神（圖），之後先補發幾張相畀傳媒就算；南華上個月史無前例喺閉門開操，仲用保安趕走記者，會方之後話過拜神會畀傳媒採訪，結果出爾反爾，究竟佢哋做過啲乜嘢事，咁驚畀人知？