英國跳水「王子」戴利，喺倫奧期間搖身一變成為國民icon；喺單人10米台贏到銅牌後，令佢人氣更進一步。不過呢位18歲跳水選手，冇趁人氣正旺而四圍銀，反而選擇去西班牙度假。雖然呢排西班牙天氣時好時壞，但係就完全影響唔到戴利去玩嘅心情，仲瞓咗喺張太陽凳上，畀雨淋都照樣笑到四萬咁口（圖）；佢仲放咗張相上Twitter，大晒6嚿腹肌，女fans見到一定尖叫都似。