陶大宇最近接受有線節目《星級會客室》訪問，大宇話自己性格悲觀：「細細個就要面對生離死別，讀藝員訓練班前爸爸證實患腸癌，報名表都係爸爸填，但未收到回音爸爸就過身。加入藝訓班三個月後，家姐因產後抑鬱症跳樓自殺，短短三個月內失去兩位至親。」大宇話最怕會先行一步，照顧唔到愛惜嘅人：「我有太多責任，有媽媽、阿寶（前妻黃慧寶）。」